آخر مره بكيت فيها قدام الجمهور عندها 4 سنين . في سونتر التيليكوم . خط الفيكس فيه مشكل. ورفضوا انهم يخرجوا يصلحوه ، وقالولي شهر أوت عمال الصيانة في كونجي الكل >< يعني باش نبقى شهر من غير كونكسيون ... وفجأة بديت نبكي،
المهم اللّي يخدموا ثم يسكتوا فيا واللي جايين يقضوا في مصالحهم كبار وصغار يسكتوا فيا ععععع ونا ماسكتش نبكي بالشهقة ..
هي كانت فرصة باش نبكي .. بكيت على حاجات اخرى متراكمة . النّات كانت القشة التي قسمت ظهر البعير..
مش عيب انك تبكي . لكن في مكان عام ! لسبب بسيط ! وانت نفسك ما تنجمش تقص مالبكاء ..
إيييييييييه دنيا . ربي يصلح حالي;
بعد حولنا مالدار هذيكا ومشينا لدار اخرى مافيهاش اصلا خط فيكس وخذيت Clé 3G . وعشت في سعادة وهناء . أما مازلت نبكي وحدي ما يراني حد .
نعرف نكتب بالعاميّة =D
ليست هناك تعليقات:
إرسال تعليق